ԳԻՏՈՒԹՅԱՆ ԵՎ ԱՌԱՋԱՏԱՐ ՏԵԽՆՈԼՈԳԻԱՆԵՐԻ ԱԶԳԱՅԻՆ ՀԻՄՆԱԴՐԱՄԸ շահույթ չհետապնդող, ոչ պետական կազմակերպություն է, որը հիմնադրվել է 1997թ.` համաձայն Հայաստանի Հանրապետության օրենսդրության։


ԳԱՏԱՀ–ի նպատակներն են.
• Կանխել Հայաստանի գիտական ներուժի կազմալուծումը և չհանդիսանալ նրա վերջնական քայքայման ականատեսը։
• Ստեղծել պայմաններ Հայաստանից գիտնականների և ճարտարագետների արտահոսքի կանխման համար։
• Նպաստել երիտասարդ սերնդի ներգրավմանը գիտության բնագավառ՝ նրանց համար ստեղծելով բարենպաստ պայմաններ։
• Նպաստել Հայաստանի գիտական համայնքի ինտեգրմանը միջազգային գիտական հանրության հետ։
• Աջակցել Հայաստանի գիտական ներուժի զարգացմանը և այդպիսով նպաստել Հայաստանի տնտեսական զարգացմանը։

ԳԱՏԱՀ-ի գործունեության սկզբունքներն են.
• ԳԱՏԱՀ–ը հավատարիմ է կառավարման երեք սկզբունքների` օրինականություն, գործունեության թափանցիկություն և հավասար մոտեցում բոլոր մասնակիցների նկատմամբ։
• ԳԱՏԱՀ–ի բոլոր աջակցություններն ունեն մրցութային բնույթ՝ անկախ նախագծի հեղինակի գիտական կոչումից և պաշտոնից։
• ԳԱՏԱՀ–ի աջակցությունները բացառապես պայմանավորված են հայտերի գիտական արժանիքներով, որոնք բացահայտվում են նախագծերի գիտական անկախ միջազգային փորձաքննության միջոցով։
• ԳԱՏԱՀ–ի միջոցները հասցեագրվում են ոչ թե կազմակերպություններին, այլ անմիջապես գիտախմբերին և գիտնականներին՝ որպես աջակցություն նրանց նախաձառնություններին։
• ԳԱՏԱՀ–ի բոլոր մրցույթները հիմնված են հայտերի ներկայացման բաց հայտարարության սկզբունքի վրա, և դրանց արդյունքները բացահայտ կերպով հայտարարվում են:
• Որպես կանոն, փորձագետների անստորագիր կարծիքները և դիտողությունները վերադարձվում են դիմորդներին, որպեսզի օգնեն նրանց պատրաստվելու նմանատիպ այլ մրցույթներին։

Մեր գործունեությունը ենթարկվում է տարեկան անկախ աուդիտի` միջազգային չափանիշներին համապատասխան.

Մինչ օրս ԳԱՏԱՀ–ի կազմակերպչական գործունեությունն արժանացել է երեք անկախ գնահատականների`
• NSF–ի նախկին գիտակազմակերպչական փորձագետ (2002),
• Հայաստանում ԱՄՆ դեսպանատան փորձագետ (2004),
• ԱՄՆ Ազգային Ակադեմիաների Ազգային Գիտահետազոտական Խորհրդի հանձնաժողով (2004):

Մեր համագործակիցները
Հիմնադրման օրվանից ի վեր ԳԱՏԱՀ–ը համագործակցել է այնպիսի հեղինակավոր արտասահմանյան կազմակերպությունների հետ, ինչպիսիք են՝
• ԱՄՆ Քաղաքացիական հետազոտությունների և մշակումների հիմնադրամը (US CRDF),
• Գիտության զարգացման ամերիկյան ասոցիացիան (AAAS),
• Գիտության ազգային հիմնադրամը (NSF)

ԳԱՏԱՀ–ը փորձում է նպաստել Հայաստանի և Սփյուռքի միջև կապերի հզորացմանը՝ համագործակցելով Սփյուռքի այնպիսի կազմակերպությունների հետ, ինչպիսիք են՝
• Ամերիկայի հայ ճարտարագետները և գիտնականները (AESA),
• Հայկական միացյալ հիմնադրամը (UAF),
• Ծովածոցի շրջանի հայաստանյան ընկերները (BAFA),
• Ծոմ Հայաստանի համար կազմակերպությունը (FFA).