"Իմպուլսը" մեր երկրի միակ մասնավոր հասարակական-քաղաքական ռադիոկայանն է: Մեր լսարանը կազմում են այն մարդիկ, ում համար ռադիոն ավելին է, քան պարզապես երաժշտություն:
Շաբաթը 7 օր, 24 ժամ մենք թողարկում և հեռարձակում ենք ավելի քան 30 հասարակական-քաղաքական, վերլուծական, մշակութաբանական, գիտահանրամատչելի, կրոնական, երաժշտաբանական և այլ հաղորդումներ` հայերեն և ռուսերեն լեզուներով:
Բացի այդ, "Իմպուլսը" միակ տեղն է, ուր կարելի է լսել իսկական հայկական ազգագրական, գուսանական, ժողովրդական, դասական և հոգևոր երաժշտություն:
Սեփական հաղորդումներից զատ, մեր եթերում կարելի է լսել նաև աշխարհի ամենահեղինակավոր ռադիոկայանների` Ռուսաստանի Դաշնության "Մայակ" ռադիոընկերության և բրիտանական "Բի-Բի-Սի" կորպորացիայի լրատվական-վերլուծական հաղորդումները` ռուսերեն լեզվով:
"Տուն դառնալու ժամանակն է...": Սա է մեր եթերային կարգախոսը: "Տուն" գաղափարը հայ իրականության մեջ միշտ եղել է ամենալուսավոր ու դրական հասկացություններից մեկը: Տուն ասելով՝ մենք հասկանում ենք և Էրգիրը, և մեր ազգային արժեքները, և մշակույթը. մի խոսքով` այն ամենը, ինչը մեզ հայ է դարձնում:
Վերջին տարիներին "Իմպուլս" ռադիոկայանի իրականացրած հետևողական ծրագրային քաղաքականության արդյունքում մեզ հաջողվել է չափազանց կարևոր և հետաքրքիր դիրք գրավել երկրի լրատվական դաշտում: Սեփական և օտարերկրյա արտադրության հաղորդումները համադրելու շնորհիվ "Իմպուլսը" շատերի համար դարձել է անայլնտրանքային լրատվամիջոց: Ամենակարևորը` հաջողվեց ներգրավել լսարանի այնպիսի շերտեր, որոնք մինչ այդ ընդհանրապես ռադիոլսող չէին:
"Իմպուլս" ռադիոկայանը հեռարձակվում է Երևանից՝ FM 106.5 հաճախությամբ:
ՀԱՂՈՐԴՈՒՄՆԵՐ
Հայրենապատում
Հայ Դատ
Հայ Դատ՝ Հատուկ հավելված
Ասալա
Մռավի ղողանջներ
Տարեգրություն
Ազգային գաղափարախոսություն
Ակունք
Երգին հանգանակ
Սայաթ Նովայի գաղտնիքները
Ժողովրդական նվագարան
Հին ու նոր աշուղներ
Հայկական հարցի հանրագիտարան
Վաղը
Լուսամուտ
Քայլ
Գյուլիստան նամե
3-րդ Հանրապետություն
Զրույցներ հայ հոգևոր երաժշտության մասին
Շարական
Ծիսակարգ
Տոնացույց
Բեթխեհեմի աստղ