"ԲԱՆԱՆՑ" ֆուտբոլային ակումբի ստեղծման գաղափարը ծնվել է 1992թ. հունվարի 14-ին, կաշվե գնդակի մեծ նախաձեռնող, ակումբի նախագահ Սարգիս Իսրայելյանի մոտ, և նրա հարազատ գյուղի պատվին էլ կոչվել է "Բանանց", իսկ հունվարի 20-ին արդեն թիմն ուղևորվել է իր առաջին հավաքին:

"Բանանց"-ը շատ արագ նվաճեց հայ մարզասերների հարգանքն ու համակրանքը: Թիմի կորիզը կազմում էին այն խաղացողները, որոնք իրենց ժամանակին, տարբեր պատճառներով, չէին ընդգրկվել ԽՍՀՄ առաջնության համապատասխանաբար բարձրագույն և առաջին լիգաներում հանդես եկող "Արարատ" և "Կոտայք" թիմերում: Դրանք իրապես բարձրակարգ խաղացողներ էին, որոնք շատ արժանիքներ ունեին: Սարգիս Իսրայելյանը նրանց գիտեր դեռ փոքր ժամանակից և համարում էր, որ նրանք արժանի են հանդես գալու ամենաբարձր մակարդակով: Թիմի գլխավոր մարզիչն էր Վարուժան Սուքիասյանը:

1992թ. մայիսին "Բանանց"-ը նվաճեց Հայաստանի առաջին Գավաթը:

1993թ. հունիսին, Շվեդիայի հայ համայնքի հրավերով "Բանանց"-ը մեկնեց այդ սկանդինավյան երկիրը և մասնակցեց տարբեր դիվիզիոններից հավաքված թիմերի մրցաշարին: Հայ համայնքն ակումբին առաջարկեց մնալ երկրում և մասնակցել ազգային առաջնության հաջորդ մրցաշարին:

Տարբեր մասնագետների կարծիքով, այդ տարիներին "Բանանց"-ը հանդիսանում էր Հայաստանի ուժեղագույն ակումբներից մեկը:

1995թ. "Բանանց"-ը կորավ մարզասերների տեսադաշտից, քանի որ դադարեց գոյություն ունենալ:

2001թ. "Բանանց"-ը վերածնվեց, իսկ նախաձեռնողը դարձյալ Սարգիս Իսրայելյանն էր: Հենց նույն թվականին էլ գրավելով 7-րդ տեղը, "Բանանց"-ը կրկնեց 1992թ. նվաճումը և դարձավ երկրի բրոնզե մեդալակիրը:

2003թ. "Բանանց"-ն իրենից ներկայացնում էր փորձի և երիտասարդության միաձուլում:

Թիմը ջանում է հավատարիմ մնալ ակումբի ավանդույթներին, իսկ ֆինանսակական առումով, թիմն այսօր կարող է համարվել է Հայաստանի կայուն և բարեհաջող թիմերից մեկը, որն արդեն ունի անհրաժեշտ ինֆրակառուցվածքի բաղադրիչներից մեկը - մանկապատանեկան դպրոց, որտեղ աշխատում են բարձրակարգ մասնագետներ:

"Բանանց"-ի պատմությունը ոչ թե ստատիկ է, այլ դինամիկ և շարունակում է զարգանալ, իսկ նա, ով կշարունակի հետևել այդ զարգացմանը, ապա շատ նորություններ կիմանա թիմի մասին...