"ԸՆԴԴԵՄ ԻՐԱՎԱԿԱՆ ԿԱՄԱՅԱԿԱՆՈՒԹՅԱՆ" ՖՈՆԴ - հասարակական իրավապաշտպան, շահույթ չհետապնդող կազմակերպություն, ստեղծվել է 1991թ.:
Կազմակերպության առաքելությունը`
- նպաստել մարդու իրավունքների և ազատության տարածմանն ու կիրառմանը - նպաստել հասարակության ժողովրդավարական և սոցիալական զարգացմանը - նպաստել խաղաղությանը` տարածաշրջանում
Կազմակերպությանը դիմում են`
- Զինված ընդհարումների պատճառով և դրանց ընթացքում տուժվածները - Փախստականները, հարկադրաբար տեղահանվածները - Պատանդները, գերիները, անհայտ կորածներն ու նրանց ընտանիքները - Տանջանքի, անմարդկային ու արժանապատվությունը նսեմացնող վերաբերմունքի ենթարկվածները - Ազգային և կրոնական փոքրամասնությունները - Համայնքներ և այլ խմբեր, որոնք հատկապես տուժել են իրավունքների ու շահերի ոտնահարման հետևանքով
Կազմակերպության խնդիրները
- Սոցիալական, իրավական և իրավաբանական օգնություն - Ետկոնֆլիկտային բժշկա-հոգեբանական և սոցիալական վերականգնում - Տանջանքների և արժանապատվությունը նսեմացնող վերաբերմունքի վերացում (մասնավորապես` լրիվ կամ մասնակի ազատազրկման վայրերում) - Քաղաքացիական մասնակցության զարգացում և քաղաքացիական նախաձեռնությունների կազմակերպման ուժեղացում` տեղային մակարդակով
Աջակցություն
- Համայնքների զարգացմանն ու կայացմանը (հատկապես երկրի հեռավոր շրջաններում) - Լուսավորչական գործունեությանը` ժողովրդավարական կրթվածության ոլորտում - Տեղեկատվության և ծառայությունների թափանցիկությանն ու հասանելիությանը` հասարակության համար - Պատանդների, գերիների և անհայտ կորածների փնտրման և վերադարձման աշխատանքներին - Ղարաբաղյան հիմնահարցի խաղաղ կարգավորմանը` նրա պատմական, իրավական և քաղաքական հիմքերի, ինչպես նաև սկզբունքների ու հիմնախնդրի խաղաղ և երկարաժամկետ կարգավորման մոդելի բացահայտման, ներկայացման ու տարածման միջոցով - Մարդու ազատության և իրավունքների տարածմանը - Ժողովրդավարական արժեքների և հասարակության համակողմանի զարգացմանը ԶԼՄ-ների միջոցով, այդ թվում` թերթերում, ամսագրերում հրապարակումների, հեռուստա- ռադիո- հաղորդումների կազմակերպման, թեմատիկ գրքերի և բրոշյուրների հրապարակման և տարածման միջոցով
Կազմակերպության հրապարակումները
Թերթերում և ամսագրերում կազմակերպությունը հրապարակել է բազմաթիվ հոդվածներ, փորձագիտական փաստաթղթեր, բրոշյուրներ, գրքեր և հավաքածուներ, որոնք նվիրված են ազգային, կրոնական և աշխարհաքաղաքական հարցերին, մարդու իրավունքներին, ազգային և միջազգային իրավական չափանիշներին, ղարաբաղյան հիմնահարցին, աղքատության հաղթահարմանը, համայնքների շահերին և խոցելի խմբերին, ինչպես նաև սոցիալական զարգացման այլ թեմաների: |